Gamli bær

Gistiheimili

Gamli bærinn á Húsafelli er frá árinu 1908 og var íbúðarhús ábúenda á Húsafelli fram til ársins 1964 .  Árið 1996 var húsið endurreist af Kristleifi Þorsteinssyni og Sigrúnu Bergþórsdóttur  og rekstur gistiheimilis hófst.  Við endurreisn hússins var leitast við að varðveita upphaflega mynd
þess og virðingu við sögu hússins gætt.

Gamli bærinn er á þremur hæðum, á neðstu hæð er eldhús, borðstofa, salerni og setustofa. Á annari hæð eru þrjú tveggja manna herbergi og þrjú baðherbergi. Á efstu hæð hússins eru tvö tveggja manna herbergi og eitt baðherbergi.  Á verönd við húsið er heitur pottur.