Húsafell - Um okkur

Ferðaþjónustan Húsafelli
Húsafell 311
Borgarbyggð
Sími 435 1553
Kt. 660390-1039

Eigendur:
Bergþór Kristleifsson 892-1550
Hrefna Sigmarsdóttir 899-1558
husafell@husafell.is
Golfvöllur
Sumarhúsalóðir
Sundlaug
Tjaldstæði
Smáhýsi
Hitaveita

Þjónustumiðstöðin Húsafelli
Húsafell 311
Borgarbyggð
Sími 435 1550
Kt. 43020-3550

Eigendur:
Þorsteinn Sigurðsson 892 3070
Sigríður Snorradóttir 862-3071
info@husafell.is
Verslun
Veitingar
Leiga á sumarhúsum

Ferðaþjónustu á Húsafelli má rekja aftur um aldir, því á nítjándu öld lá vegferð manna milli suður og norðurlands um Arnarvatnsheiði og var Húsafell sjálfkjörinn áningarstaður. Árið 1930 þegar Kaldidalur varð akfær var settur upp bensíntankur á Húsafelli og var það ár mikið um gesti vegna Alþingishátíðar á Þingvöllum, þá var bóndi á Húsafelli Þorsteinn Þorsteinsson. Uppúr 1960 fóru hjónin Kristleifur Þorsteinsson og Sigrún Berþórsdóttir að gera tilraunir með sölu á þjónustu við ferðamenn, ráku þau fyrirtæki í eigin nafni í mörg ár. Árið 1990 var Ferðaþjónustan á Húsafelli stofnuð af þeim hjónum. Sögu orlofsjarðarinnar er gerð betri skil undir flipanum „Saga“ . Í dag er Ferðaþjónustan á Húsafelli ehf, enn í fullum rekstri og í eigu Bergþórs Kristleifssonar og Hrefnu Sigmarsdóttur. Árið 2003 var hluti þjónustunnar, verslun/veitingar, seldur nýju fyrirtæki Þjónustumiðstöðinni Húsafelli ehf, sem er í eigu Sigríðar Snorradóttur og Þorsteins Sigurðssonar. Ferðaþjónustuaðilar á Húsafelli starfa saman að uppbyggingu orlofsþjónustu Húsafelli og bera virðingu fyrir starfi fyrri kynslóða og kunna þau frumkvöðlum ferðaþjónustunnar bestu þakkir.

Umhverfisstefna:

Vinna markvisst að því að halda nánasta umhverfi hreinu og aðlaðandi.
Stuðla að verndun menningar- og náttúruminja.
Draga úr mengun með minni verðamætasóun t.d með endurnýtingu, endurvinnslu, orkusparnaði og notkun á umhverfisvænum efnum og tryggja að fráveitumálin hafi ekki spillandi áhrif á umhverfið.
Velja frekar vörur og þjónustu sem koma úr heimabyggð og sem lágmarka neikvæð umhverfisáhrif þar sem því verður við komið.
Ráða til starfa fólk úr heimabyggð þegar tækifæri gefst til þess.
Leita sífellt eftir frekari fræðslu um umhverfismál og koma þeim upplýsingum áfram til starfsfólks.
Hvetja gesti, birgja og viðskiptavini til að taka þátt í að vernda umhverfið með okkur.
Styrkja samstarfið við sveitarfélagið, önnur fyrirtæki og íbúa á svæðinu.
Vinna stöðugt að úrbótum í rekstri og þjónustu til að draga úr skaðlegum umhverfisáhrifum.

Fjölskyldustefna:

Húsafell sýni gott fordæmi bæði sem atvinnurekandi og þjónustuaðili að hafa þarfir fjölskyldunnar að leiðarljósi við skipulag og uppbyggingu orlofsstaðarins, hvort sem þjóna á börnum eða fullorðnum.
Stuðla að mannúðlegu og fjölskylduvænu samfélagi þar sem áhersla er lögð á fjölskylduna sem hornstein samfélagsins.
Leitast við að gera gesti Húsafells meðvitaða um samfélagslega ábyrgð á uppeldi barna.
Unglingar skulu ávalt vera í fylgd forráðamanna og skemmtanir miðast við sameiginlega hagsmuni fjölskyldunna.