Árið 1986 var byrjað að undirbúa jarðveg fyrir golfvöll á Húsafelli. Helstu hvatamenn að uppbyggingu golfvallarins var Kristleifur Þorsteinsson og Þorsteinn Kristleifsson sem sá um framkvæmdir. Tíu árum seinna var hann formlega tekinn í notkun. Golfvöllurinn er 9 holu völlur hannaður af Hannesi Þorsteinssyni. Brautirnar liggja meðfram bökkum Kaldár og Stuttár, þar sem kylfingurinn þarf að vanda sig við leikinn því víða liggja brautir yfir vatn og oft er stutt í skóginn. Fyrsti teigur er fyrir neðan sundlaug. Vallargjöld eru greidd í sundlaugarhúsinu.

Vallarstjóri er Örn E. Arnarson sími 863-1554.

ÁGÆTU KYLFINGAR

• Þeir sem EKKI hafa greitt vallargjald er óheimilt að spila á vellinum.
• Vallargjald er greitt í sundlaug eða verslun. Þeir sem hefja leik fyrir opnunartíma skulu greiða við lok leiks.
• Göngum vel um völlinn og nágrenni hans, setjum rusl í ruslatunnur, torfusnepla í kylfuför og gerum við boltaför á flötum.
• Sýnum öðrum leikmönnum tillitsemi og hleypum fram úr ef leikur gengur hægt.
• Ekki skulu vera fleiri en fjórir í hverjum ráshóp.
• Hver leikmaður skal hafa sér sett.
• Bannað er að fara með barnavagna og gæludýr inn á golfvöllinn.
  GÓÐA SKEMMTUN OG GANGI YKKUR VEL